第一次（續集）

http://www.takemehome.com.hk/view_epaper.php?p=filedata/epaper/papers/0E/20070330/HKET_20070330_0E_003-01.jpg&f_date=2007-03-30&f_area=0E&f_pageno=003

南區送禮物俾小朋友

呢個星期都好忙，除咗返工，開會，同埋讀書之外，仲做咗幾個鐘義工，走到南區，幫楊孝華議員送禮物俾住係南區嘅小朋友。見到佢哋好開心咁收到份禮物，我都好開心。

遲下再寫，因為要處理下公司文件。

校友會晚宴

今晚，過咗一個好有意義嘅晚上。除咗可以見到一D好耐無見同埋新相識嘅朋友之外，仲可以做善事，為國內失學學生籌款起學校，幾百蚊對於自己黎講，並唔係一個好大嘅數目，係唔影響自己日常生活嘅情況下，又可以幫到人，何樂而不為？亦係因為呢晚晚宴嘅主題，故此，“不加思索”咁參考咗。
校友會，你哋做得好好，繼續努力！

第一次

第一次接受媒體訪問，不過唔緊張！

重返校園：教書

仲記得兩年幾前，決定要離開生活多年嘅大學生活及研究環境，真係好唔捨得。大學俾咗我一種好舒服嘅感覺。幾個月前，我又有機會重投校園生活，不過，身份唔同咗，因為今次係做學生。

時至今日，我又有另外一個身份－兼職講師。古人有云：教學相長。呢句說話，絕對無錯。教書除咗可以賺取可觀嘅薪金外，對於我嚟講，最開心嘅，莫過於可以同學生有交流。我重複又重複同學生講，師生嘅交流，係學習過程中，最令人回味嘅時光，因為，我可以將我對知識嘅理解及經驗，傳遞到另一方身上。

令種令人類智慧及文化相傳所得到嘅滿足感，係比金錢方面嘅滿足感，仲要強烈。

同學們，多謝你哋，豐盛咗我嘅經歷。

校友們，太高估我啦

中學母校嘅校友日，唔同年級嘅校友多返學校走一回，因為我哋攪咗一個“品紅會”，請著名校友劉致新教我哋飲紅酒，過癮！

大家未飲先醉，竟然選咗小弟不才，做校友會嘅主席。校友們，太高估我啦！

同鄉會司儀

最近幾年，榮幸地得到同鄉會的賞識，被邀請成為新春聯歡晚宴的司儀。在每年新春時節，大家都聚首一堂，互相祝賀。中國人是很喜歡熱鬧的民族。